Policia e Maltës ka vënë në pranga një biznesmenë të njohur në lidhje me vrasjen e gazetares Daphne Caruana Galizia. Në momentin e arrestimit, miliarderi ndodhej në jahtin e tij në detin mesdhe.
Mësohet se policia arrestoi Jurgen Fenech, i cili është president i kompanisë Tumas Group, aksioner në një sërë kompanish të fuqishme gazi, hotelesh me investime në shumë vende të botës.
Arrestimi i Fenech erdhi një ditë pasi qeveria malteze tha se do t’i ofronte falje një ndërmjetësi të dyshuar në vrasjen e vitit 2017 të Caruana Galizia nëse ai tregonte se kush qëndronte pas vrasjes së gazetares së njohur investigative.
Gazetarja e cila u vra, kishte përmendur në investigimin e saj emrin e biznesmenit, të cilin e lidhte me çështje të rënda korruptive të ndodhura në Malt.
Caruana Galizia, një gazetare e njohur u vra nga një bombë qe ishte vendosur në makinën e saj afër kryeqytetit Valeta në tetor 2017./ Opinion.al
