Zakonisht gjatë festeva të fundvitit anëtarët e familjes mbretërore mblidhen në shtëpinë e Mbretëreshës Elizabeth, në Sandrigham.
Diçka e tillë është kthyer në traditë për ta, por duket se çifti mbretëror Meghan dhe Harry nuk duan t’i kalojnë festat aty.
Sipas ‘Vanity Fair’ Duka dhe Dukesha së bashku me djalin e tyre, Archie do të shkojnë në SHBA në ditët e festave.
“Plani nuk është finalizuar akoma. Meghan dhe Harry do të jenë në Amerikë për Ditën e Falenderimeve në fund të këtij muaji dhe ka shanse që ata të qëndrojnë atje për një kohë të gjatë, që do të thotë se mund të humbasin Krishtlindjen”.
Ndërsa e përditshmja “The Sun” ka bërë me dije se pritet që çifti t’i kalojë Krishtlindjen në shtëpinë e tyre në Windsor.
Megjithatë ata nuk janë të parët që nuk do t’i festojnë festat me familjen Mbretërore pasi në vitin 2012 Kate e William i kaluan Krishtlindjen me familjen Middleton./Opinion.al/
