Prokuroria e Krimeve të Rënda ka çuar në Gjykatë 51 të pandehur në kuadër të mega-operacionit “One If – By Land”.
Ky operacion kishte në fokus një rrjet personash që trafikonin shtetas shqiptarë drejt SHBA, Kanadasë dhe Anglisë. Shumat që ata merrnin nga ky aktivitet varionin nga 30 mijë dollarë për në SHBA ose Kanada deri në 10 mijë paund për ata që dërgoheshin në Angli.
Prokurori i cështjes, Eugen Beci, ka dorëzuar dosjen me 95 fashikuj në Gjykatën e Krimeve të Rënda, ku pjesë e materialeve të dorëzuar janë dhe 450 CD me përgjime dhe prova të tjera.
Ky opreacion solli shkatërrimin e 7 grupeve kriminale që vepronin Shqipëri, Bullgari, Greqi, Spanjë, Francë, Republikën Domenikane, Itali, Britani, Irlandë, ShBA e Kanada. Pjesë e operacionit ishin autoritet amerikane dhe ato kanadeze.
Mbi të gjithë të pandehurit rëndojnë akuzat e trafikimit të qenieve njerëzore në kuadër të grupir të strukturuar kriminal.
Personat që janë marrë të pandehur;
Sajmir Hysenbelliu, Enxhi Koci, Nike Bushi, Adriatik Çekaj, Alfred Kalaj, Mhill Zefi, Mensur Selami, Bedri Bendaj, Ilir Feçi, Ardian Gurakuqi, Kolë Vushaj, Zaim Hysenbelliu, Nosh Volaj, Prel Gjelaj, Jorgo Shaho, Ardian Corri, Kristjan Zallinaj, Sokol Duli, Euglen Dushku, Leonora Dushku, Roza Frroku, Erenik Avdyli, Blerim Brahimi, Oltjan Serani, Kreshnik Muja, Fatos Muja, Luan Qyrku, Genci Osmanaj, Arben Kajaçi, Luigj Shtinja, Tanush Prenga, Përparim Kule, Esat Cakoni, Skënder Koci (Keni), Shkëlqim Koci (Jimmy), Borislav Ivanov Krumov, Marin Dimitrov Vasilev, Eno Muçollari, Liri Muçollari, Fuat Zaimi, Nikolin Priska, Haki Tarja, Bashkim Sorra, Ylber Rama, Artur Karaj, Emiljan Sinjari, Ilija Mitrevski, Betim Veliu, Artim Dauti, Zaim Dauti dhe Genc Dibra. /Opinion.al
