Specialistët e ALUIZNI-it në Tiranë dhe rrethe po punonjë pa kontrata pune që nga data 3 Janar e këtij viti. Atyre u ka përfunduar kontrata e punës në dhjetor të vitit 2018 dhe “de juro” janë pa punë, por “de facto” paraqiten në institucion.
Ata shprehen, pa dashur të identifikohen, se paraqiten në punë me shpresen se kontratat do të vijnë së shpejti, edhe pse pranojnë se të paktën janarin e kanë të humbur. Pra punë pa pagesë!
Burime nga drejtoria thanë se jemi në pritje të Vendimit të Këshillit të Ministrit. Sapo të dalë VKM-ja do të nënshkruhen kontratat e reja të punës me punonjësit. Ata nuk përjashtuan mundësinë se disa punonjës rrezikojnë të mos u rinovohet më kontrata e punës. Gjithsesi ky nuk është i vetmi problem. Nga ana tjetër janë me mijëra dosje dhe qytetarët presin përgjigje nga ALUIZNI. /Opinion.al
