Policia e Shtetit përmes një njoftimi për mediat thotë se është arrestuar në Lushnje një 24 vjecar me emrin Sebastian Haliti pasi në korskotin e makinën iu gjetën 15 doza kokainë. Ajo çka bën përshtypje është se i riu konsiderohet “i fortë” nga policia pa dhënë shumë sqarime se pse arrestimi rutinë i një shpërndarësi droge konsiderohet si operacion për “Ndëshkimin e të fortëve”.
Njoftimi i plotë:
Tjetër goditje në kuadër të operacionit “Ndëshkimi i të fortëve”.
Godet një tjetër rast i shpërndarjes së lëndëve narkotike të forta.
Kontrolle nga policia e Lushnjes dhe FNSH në lokale, akse rrugore dhe ambiente të ndryshme.
Kontrollet për kapjen e personave në kërkim, të atyre që qarkullojnë me armë zjarri apo që tentojnë të shpërndajnë lëndë narkotike.
Patrulla e Policisë Lushnje kap në flagracë një shpërndarës të drogave të forta.
Sekuestrohen 15 doza lëndë narkotike e dyshuar Kokainë.
Si rezultat i kontrolleve u arrestua në flagrancë një shtetas i cili shpërndante lëndë narkotike si dhe u procedua penalisht pasagjeri që ishte në automjet me të, shtetasi L.A, 27 vjeç, banues në Lushnje.
Specialistët për Hetimin e Narkotikëve në Drejtorinë Vendore të Policisë Fier, arrestuan në flagrancë shtetasin:
•Sebastian Haliti, 24 vjeç, banues në Lushnje.
Gjatë kontrollit të automjetit që drejtohej nga shtetasi Sebastian Haliti, në kroskotin e tij, u gjendën dhe sekuestruan 15 doza me lëndë narkotike e dyshuar Kokainë.
Gjithashtu nga verifikimi që i është bërë automjetit tip Mercedes-Benz, dyshohet se ky automjet mund të jetë i vjedhur dhe trafikuar.
Materialet proceduriale i kaluan Prokurorisë pranë Gjykatës së Shkallës së parë Fier për veprime të mëtejshme proceduriale.
