Një fëmijë rreth 2 vjeç ka mbetur i plagosur rëndë në Fier, pasi është përplasur nga një motoçikletë.
Aksidenti ka ndodhur rreth mesditës në fshatin Baltëz. Si pasoje e përplasjes, fëmija është dëmtuar në pjese të ndryshme të trupit.
I mituri është dërguar në Spitalin Rajonal të Fierit në gjendje të rëndë. Pas ekzaminimeve të kryera dhe duke parë gjendjen e tij shëndetësore, fëmija me inicialet S.K është dërguar në Spitalin e Traumës ne Tiranë.
Mësohet se në momentin e aksidenti, fëmija ka qenë duke dalë nga shtëpia dhe sapo ka dalë në rrugë, është përplasur nga motoçikleta.
