Përgjatë fjalës së tij në Kuvend, kryeministri Edi Rama, të enjten, u ndal edhe tek numri i të papunëve që do shkaktohen nga 1 janari për shkak të mbylljes së lojërave të fatit.
Për të, mbyllja e vendeve të punës nuk do të jetë e lehtë për ata që janë të punësuar, ndërsa u ndal edhe tek faktorët socialë që çuan në mbylljen e basteve sportive, duke përmendur një rezultat të nxjerrë nga një studim i UT-së.
Vendet e punës
Vendet e punës, po nuk do të jetë e lehtë për ata që janë të punësuar, por do jetë i mundur të përshtaten në një vend pune. 5% tatim fitim deri në 140 mln leke xhiro, është një masë që do të hyjë ne fuqi nga ky parlament. Sot një taksë fitimi 5 % është një nxitje e fortë për këdo që do të hapë një biznes dhe të vetëpunësohet. Të mendojnë transformimin e biznesit të tyre me taksën vetëm 5%” -u shpreh kryeministri ndërsa prezantoi nismën e qeverisë.
Faktorët socialë
Rama tha se Universiteti i Tiranës në 2016 kur ishim në kulmin e debatit ka bërë një studim dhe gjetjet janë rrënqethëse sic janë rrënqethëse rezultatet e një analize të bërë. Kemi patur edhe ne dështmin tonë kur nuk arritëm dot ti japim fund kazinove por arritëm vetëm të shtyjmë afatet.
Por jo të gjitha të këqija vijnë për keq, tani një rrugë e dy punë me kazinotë edhe bastet. Ata që kanë ngritur llumin e shpifjes, si ajo e monopolit online, le ta mbajnë për vete turpin e përfaqësimit të këtij llumi. Dimë më tepër se kaq, për të kundështuar këtë mase, që janë të lidhur drejtpërdrejte, me interesat që kulmojnë në qelitë e burgut në tiranë.
