Paul Allen, i cili është bashkëthemelues i Microsoft ka ndërruar jetë në moshën 65-vjeçare nga komplikimet e limfomës jo-Hodgkin.
Sëmundja ishte rikthyer dy javë më parë, pasi ishte trajtuar ne vitin 2009. Mjekët asokohe ishin shprehur “optimistë” rreth trajtimit të saj.
Bashkëthemeluesi i Microsoft-it, Bill Gates është shprehur: “Unë jam i hidhëruar nga vdekja e një prej miqve më të vjetër dhe më të dashur… Kompjuteri nuk do të kishte ekzistuar pa të”.
Në një deklaratë që konfirmonte vdekjen e tij të hënën pasdite, motra e tij Jody e përshkroi biznesmenin si një “individ të shquar në çdo nivel”.
Biznesmeni e krijoi pasurinë e tij së bashku me mikun e shkollës Bill Gates, pasi bashkëthemeluan gjigantin e teknologjisë Microsoft, në vitin 1975.
