Arbër Cekaj, pronari i “Arbri Garden” ku u kap sasia e madhe e kokainës, ka qendruar dy muaj i fshehur në Gjermani me identitet të rreme. Burimet thanë se ai është arrestuar të premten pasi është mbajtur në vëzhgim për një kohë të gjatë nga autoritetet vendase.
Policia gjermane e kishte lokalizuar atë në një banesë dy-katëshe në Dyseldorf. Ai mbante emrin Arbër Jansen, për të cilin kishte dyshime se ishte personi i kërkuar nga Prokuroria e Krimeve të Rënda për kokainën në Durrës.
Mësohet se në momentin e arrestimit, biznesmeni i bananeve nuk ka bërë rezistencë dhe nuk ka tentuar të largohet ndërsa policia thotë se ai fshihej me identitet të ndryshuar pasi kishte marrë mbiemrin e gruas daneze me të cilën jetonte.
Arbër Çekaj u largua nga Shqipëria më 27 shkurt, vetëm 24 orë para kapjes në Durrësit të kontenierrit të porositur nga kompania e tij Arbri Garden, ku u gjetën 613 kg kokainë.
Gjatë qëndrimit në Gjermani, biznesmeni ka ndërruar të paktën dy banesa me qëllimin për ti shpëtuar ndjekjes policore. Pas arrestimit, Çekaj pritet të merret në pyetje në Gjermani dhe më pas ti nënshtrohet procedurës së ekstradimit në Tiranë ku do të përballet me Prokurorinë e Krimeve të Rënda.
