Ministrja e Drejtësisë është thirrur në interpelancë sot nga opozita për çështjen e ekstradimit të Nezar Seitit. Ajo e ka marrë fjalën pas akuzave të Enkelejd Alibeajt që e akuzoi se ka shkelur ligjin.
Ministrja e mori fjalën duke thënë se ajo është misionare e reformës në drejtësi dhe opozita armik i saj. Fjalimi i saj, shkaktoi të qeshura në sallë.
Më poshtë një pjesë nga fjalimi i ministres Etilda Gjonaj
Kërkoni një kauzë që nuk e keni, një konflikt që nuk e shmangni dot, një aryse të radhës për një sherr të radhës. Unë përballë jush jam Zot se kam kauzën e kësaj qeverie: reformimi i drejtësisë, dhe jam në konflikt me ju sepse ju jeni në konflikt me reformën në drejtësi dhe jo vetëm me qeverinë.
Kur kam nisur të jap kontributin tim për reformën në drejtësi nuk isha deputete ministre e aktiviste partie, isha thjesht një eksperte dhe besoja fort tek nevoja ulëritëse e kësaj reforme.
Rrugës pashë qe politika juaj u kthye në armë kundër reformës. Keni një beteje pa parim qytetar kundër reformës.
Jam thirrur jo për arsye ligjore, por politike.
*Pamje live nga seanca plenare
