Ministrja e Drejtësisë, Etilda Gjonaj nga foltorja e Parlamentit, ku është thirrur në interpelancë për ekstradimin e Nezar Seitit në Itali (anëtar i bandës së Habilajve) tha se tani do ju them te verteten. Dhe e verteta ishte krejt ndryshe nga çfarë është thënë deri tani nga komunikatat e Ministrisë së Drejtësisë dhe Prokurorisë, ku u pretendua se nuk ishin në dijeni të hetimeve në Shqipëri nga Krimet e Rënda për këtë shtetas. Sot, znj. Gjonaj tha se e ka çuar me dëshirë Seitin në Itali, sepse atje eshte baza e hetimeve.
Më poshtë deklarata e Ministres në Parlament
Ju që keni drejtuar Ministrinë e Drejtësisë për 12 vjet duhet ta dini se kur ndaj një personi ka procedim penal në 2 apo më shumë shtete, edhe në rastin e ekzekutimit të një leter-porosie, përparësi i jepet shtetit ku ndodhen më të shumta hetimet.
Përparësi i jepet shtetit ku ndodhet baza e hetimit. Në cdo rast prokuroria jonë ka mundësi të bashkëpunojë me italianet për Nezar Seitin.
Në rast se doni te verteten: Atëhere kush më mirë se prokuroria e Katanias është në gjendje për të zbardhur te verteten?
Në rast se doni te verteten po ju them: Në fund të fundit unë ia hoqa nga kthetrat “një prokurorie të kapur nga kryeministri” dhe e çova në Itali ku janë hetimet.
Unë nuk jam si ju! Jam pjese e një shumice parlamentare që ka në objekt reformën në drejtësi.
/Opinion.al
