Porsa Basha u kthye nga vizita në SHBA tha se ka marrë mbështetje për kauzën e tij të zgjedhje të lira, por sakaq shpërthyen edhe alibitë se ai nuk ka patur asnjë takim të rëndësishëm në SHBA.
Në këtë linjë ishte edhe TCH që publikoi lajmin me burime nga ambasada e SHBA se “administrata Trump nuk e mbështet protestën e opozitës”. Ky lajm u shndërda edhe në faqen e facebook-ut të Kryeministrit Rama, duke ngritur pyetjen ironike: Kush gënjen ambasada apo Basha?
Por, sot botohet një lajm nga gazeta online amerikane “Breitbart News”, ku zbardhen gjithë takimet e Bashës në Uashington gjatë javës së kaluar dhe çfarë është biseduar. Në listë janë emra të njohur konkresmenësh e senatorësh republikanë, mes tyre Kryetar i Komitetit të Punëve të Jashtme.
Referuar gjithnjë “Breitbart News” mësojmë se Basha ka takuar kongresmenin Pete Sessions, Kryetar i Komisionit të Buxhetit të Kongresit.
foto 1: Pete Sessions
Po kështu kongresmenin Michael Mçaul, Kryetar i Komitetit të Sigurisë Kombëtare të Kongresit; dhe kongresmenin Ed Royce, Kryetar i Komitetit të Punëve të Jashtme të Kongresit.
Foto 2: Ed Royce
Mësohet gjithashtu se Basha ka marrë pjesë në darkën e përbashkët vjetore të kongresmenëve dhe senatorëve republikanë, ku fjalimin kryesor e mbajti Presidenti Trump.
Basha u takua gjithashtu me kongresmenin e Kalifornisë Dana Rohrabacher, anëtar i vjetër i Komitetit të Punëve të Jashtme dhe Kryetar i Nënkomitetit për Europën dhe Euroazinë të Kongresit.
Gjatë takimit me Rohrabacher, Basha është shprehur se “Rama ka marrëdhënie me financierin dhe agjentin provokator ndërkombëtar George Soros”.
Foto 3: Rohrabacher
Basha pohoi se sulmet e tij ndaj Sorosit dhe mbështetja e tij për Presidentin Trump e kanë bërë shënjestër të përbaltjes nga organizata e Sorosit.
Kongresmeni Rohrabacher, i cili u takua me Bashën në Uashington, i tha Breitbart Neës se ai e çmon patriotizmin dhe zellin që shikon tek Basha.
“Ka arsye për të patur frikë për atë që po ndodh në Ballkan,” tha ish-fjalimshkruesi i Presidentit Ronald Reagan. “Stabiliteti në atë pjesë të Europës varet nga një Shqipëri e qëndrueshme dhe që funksionon. Ka një shqetësim serioz për korrupsionin, tregtinë e drogës dhe terrozimin në këtë vend të rëndësishëm”, shtoi ai
Kongresmeni u shpreh se Shqipëria është në vijën e parë të luftës kundër islamit radikal: “Nëse do ta mundim islamin radikal dhe do të kemi një Europë të qëndrueshme, ne kemi nevojë për dikë që është në gjendje të bëjë atë që duhet. Lulzim Basha, të cilin e njoh prej kohe, është pikërisht personi që duhet për ta përmbushur këtë gjë.”
/Opinion.al
