Sharbat Gula, gruaja që “fshihet” pas një prej fotografive më të njohura, mund të dënohet me disa vite burg.
Vajza afgane e cila ishte në kopertinën e revistës së “National Georgaphic” në vitin 1985, mësohet se është arrestuar në Pakistan pasi ishte e pajisur me dokumente qëndrimi të falsifikuara.
Sharbat Gula ishte 12 vjeç kur u fotografua nga Steve McCurry në një kamp refugjatësh në Pakistan në dhjetorin e vitit 1985. Imazhi i saj prej një vajze refugjate me sy jeshil u bë simbol ndërkombëtar i refugjatëve, duke u bërë kështu një prej imazheve më të njohura të shekullit të 20.
Të mërkurën, Gula u arrestua nga Agjensia Kombëtare e Investigimit në Pakistan dhe sipas të dhënave të para disa mendojnë se ajo nuk do të ndëshkohet, ndërkohe që njohës të tjerë të ligjit thonë se mund të dënohet me burgim 7 deri në 12 vjet.
