Asnjë dietë! Asnjë orë palestër! Pa kirugji! Vetëm pak sherr me burrin! Në fillim Kanye West nuk ishte aspak dakord me atë çka Kim kishte ndërmend të bënte, por me të parë rezultate e shpejta dhe mbreslënëse, si gjithmonë ai u rendit si përkrahësi i saj numër një. Por cili është sekreti?
Quhet Cryolipolisis, e thënë më thjesht, ngrirja e qelizave dhjamore. Nuk bëhet fjalë për ndonjë nga ato trajtimet e paarritshme që vetëm VIP-at mund të bëjnë. Përkundrazi kjo procedurë është përhapur aq shpejt nëpër botë si një alternativë e thjeshtë, e shpejtë dhe e prekshme nga të gjithë për të eleminuar dhjamin e tepërt njësoj si trajtimet estetike që bëjmë çdo ditë. Diferenca e vetme është që duhet bërë nga një staf profesionistësh!
SI FUNKSIONON?
Nëse keni dhjam të tepërt në pjesën e barkut, ijeve, kofshëve, krahëve, etj, si fillim mjeku do ta trajtojë lëkurën me një xhel mbrojtës, para se të vendosë aty grykën e një paisjeje që e ngrin dhjamin në thellësi në temperatura shumë të ulëta, por pa ndikuar te shtresa e jashtme e lëkurës. Nuk ka dhimbje apo shenja dhe gjithçka zgjat zakonisht vetëm një orë dhe eleminon deri në 50% të masës dhjamore! Jo keq nëse e krahason me orët e tëra që duhen shpenzuar në palestër apo dietat torturuese!
Në ditët në vazhdim, vetë trupi fillon t’i eleminojë qelizat dhjamore të ngrira përmes urinës dhe djersës. Në krye të 2-8 javëve zona e trajtuar do të jetë e sheshtë, elegante, në formë të shkëlqyer!
