Video e cila po bën jehonë në rrjetet sociale, ku shfaqen ushtarët grekë që detyrojnë ushtarët shqiptarë në ushtrinë e greke të shajnë veten nga nëna dhe motra, është publikuar fillimisht në faqen e Ultrasve të ekipit APOEL Nikosia në Qipro, të njohur për ksenofobinë që shfaqin në shkallët e stadiumit sidomos ndaj turqve, kjo edhe për shkak të vetë historisë moderne të Qipros e cila që nga mesi i viteve ’70 jeton e ndarë në pjesën greke dhe atë turke. Kjo video e publikuar në profilin e facebookut të ultrasve të Apoel, shërben edhe si një lloj frymëzimi për këta tifozëve, ndërkohë që ky nuk është rasti i parë kur grekët shfaqin shenja të tilla racizmi në futboll. Vetëm së fundmi në hyrje të ndeshjes Olimpykakos i Pireut-Dinamo Zagreb e vlefshme për Champions League, arbitri i ndeshjes këshilloi tifozët grekë të ndalonin thirrjet raciste, pasi këta të fundit nisën të këndonin në kor “Vrite kroatin që të mos ketë vëlla shqiptarin”.
https://www.facebook.com/100006167359134/videos/vb.100006167359134/1515064415375789/?type=2&theater
