TIRANË- Elvis Gaçaj, i cili ndodhet në Spitalin Ushtarak, i plagosur, ruhet me polic pasi ndaj tij është prerë urdhër-arresti. Policia thotë se gjatë kontrollit në banesën që e përdorte si bazë për shpërndarje të lëndëve narkotike u gjetën dhe u sekuestruan 5 gram lëndë narkotike e dyshuar si kokainë si dhe një peshore.
Plumbat mbrëmjen e 1 Tetorit në Tiranë janë shkrehur ndaj, por fatkeqësisht i morën jenë shoqes së tij që udhëtonte në sediljen e parë dhe shokut që ishte ulur mbrapa. Ka shpëtuar për mrekulli një vajzë e re e cila nuk ka marrë asnjë plagë.
Por kush është Elvis Gaçaj?
40 vjeçari rezulton me precedentë të mëparshëm penal. Ne moshën 18 vjeçare ka kryer një vrasje. Ai është dënuar me 14 vjet burg në vitin 1992 pasi qëlloi me thikë shokun e tij, dënim të cilin e ka kryer para disa vitesh. Ai goditi me thikë shokun në njërën kofshë , i preu arterien kryesore dhe i riu gjeti vdekjen në spital. Por vetëm pak kohë pasi kishte dalë nga burgu, Gaçaj përfundoi sërish në prangat e policisë.
Në vitin 2008 kur ishte 32 vjeç ai u arrestua për plagosjen e rëndë me dashje të një personi me inicialet S.M.
Ndërkohë po në këtë vit, Elvis Gaçaj i shpëtoi një atentati me eksploziv pranë shkollës “Petro Nini Luarasi” në Tiranë. Po ashtu sipas policisë, Gaçaj ka qenë i përfshirë edhe në grabitje por edhe i dyshuar për lidhje me trafikun e drogës.
Në Maj të vitit 2013 Gaçaj është dënuar me 6 muaj burg nga Gjykata e Tiranës për dhunë në familje ndaj motrës së tij dhe nënës. Gjykata e gjeti fajtor Gaçajn, pas denoncimit që kishte bërë ndaj tij e ëma, motra dhe babai.
Gaçaj dyshohet se ka kryer një vrasje edhe jashtë Shqipërisë.
