TIRANE- Me dhjetra protestues u bënë bashkë mbrëmjen e sotme për të protestuar kundër bunkerit që po ndërtohet ne oborrin e Ministrisë së Brendshme. Me thirrjet “Poshtë komunizmi”, “Poshtë diktatura”, “Poshtë Edi Rama”, me fjamuj në duar të Bashkimit Evropian dhe të Shteteve te Bashkuara të Amerikës, protestues të ardhur nga shtresat e ish-të përndjekurve politike, shoqëria civile, por edhe opozitës të mbështetur edhe nga qytetarë të shumtë, kanë kërkuar të shembin bunkerin, i cili për ta simbolizon të keqen, kthimin pas në diktaturë. Tentativa e protestuesve ka hasur ne gardhin e vendosur nga Policia e Shtetit, e cila nuk ka lejuar që protestuesit të afrohen pranë objektit, Çka ka çuar në konfrontim fizik midis palëve. Ndërkohë që protesta është kanalizuar edhe si një formë pakënaqësie ndaj zhvillimeve politike dhe sociale në vend.
