Shkrimtari i madh shqiptar, Ismail Kadare është ndarë nga jeta mëngjesin e sotëm në Qendrën Spitalore Universitare “Nënë Tereza”.
Sipas Shtëpisë Botuese Onufri, kolosi i letrave shqipe ka ndërruar jetë mëngjesin e sotëm në orën 08:50.
“Sot, më datë 1 korrik, 2024, në orën 08:50, ndërroi jetë në Qendrën Spitalore Universitare “Nënë Tereza”, shkrimtari i madh Ismail Kadare.
Për ceremoninë e përcjelljes do t’ju njoftojmë në një çast të dytë”, shkruan Shtëpia Botuese Onufri.
