Nëntë punonjëse të fabrikës së përpunimit të ullirit në aksin rrugor “Fier-Vlorë” janë dërguar me shenja helmimi në Spitalin Rajonal të Fierit.
Sipas policisë, dyshohet se helmimi i tyre ka ardhur si pasojë e një reaksioni të shkaktuar nga produkti aromatizues i përdorur nga njëra prej këtyre shtetasve.
Bëhet me dije se 9 punonjëset fatmirësisht ndodhen jashtë rrezikut për jetën.
“Rreth orës 10:00, në Spitalin Rajonal Fier, kanë shkuar me shenja helmimi dhe ndodhen jashtë rrezikut për jetën, 9 shtetase, të cilat punojnë në një fabrikë përpunim ullinjsh, në aksin rrugor “Fier – Vlorë”. Nga verifikimet paraprake, dyshohet se helmimi i tyre ka ardhur si pasojë e një reaksioni të shkaktuar nga produkti aromatizues (parfum) i përdorur nga njëra prej këtyre shtetasve”, njofton policia.
Grupi hetimor po punon për zbardhjen e plotë të ngjarjes./Opinion.al
