Aktualitet

8 pacientë në gjendje serioze, mes tyre edhe mosha të reja


Bëhu pjesë e Grupit Zyrtar të Opinion.al
>> KËTU <<
               Publikuar në : 11:02 - 11/07/20 |
Opi Nion

Pacientë në mosha të reja vijojnë të jenë të intubuar në spitalin infektiv, ndërsa Ministria e Shëndetësisë dhe Mbrojtjes Sociale njofton se situata në spitalin infektiv paraqitet serioze.

“Situata në spitalin infektiv vijon te paraqitet serioze, me pacientë që trajtohen në terapi intensive por edhe pacientë të intubuar, një pjesë e tyre mosha të reja. Aktualisht janë të shtruar 72 pacientë në spital, 8 pacientë janë në terapi intensive në gjendje serioze dhe 4 prej tyre janë të intubuar në gjendje të rënde,” njofton Ministria.

Shqipëria ka shënuar sot edhe një numër të lartë të personave që kanë humbur jetën, me 4 viktima përkatësisht nga Durrësi, Tirana, Elbasani dhe Shkodra.

Ministria e Shëndetësisë dhe Mbrojtjes Sociale i drejtohet të gjithë qytetarëve dhe bizneseve të jenë të kujdesshëm në zbatimin e protokolleve të sigurisë. Respektimi i distancës, vendosja e maskës, higjiena vetjake dhe kolektive janë mënyrat e vetme për të frenuar përhapjen e Covid19./Opinion.al

Pas