Sport

8 futbollistë me Covid, Prishtina do t’i ritestojë pasi ndeshja u anulua  


Bëhu pjesë e Grupit Zyrtar të Opinion.al
>> KËTU <<
               Publikuar në : 20:25 - 22/08/20 |
Opi Nion

 

Ndeshja mes Prishtinës dhe skuadrës së Gjibraltarit, Lincoln Red nuk do të zhvillohet. E pezulluar pak ditë më parë për shkak se 8 lojëtarë të ekipit kosovar dolën pozitivë në testet Covid, kjo ndeshje është pezulluar përfundimisht.

Në një publikim në rrjetin Facebook, klubi shprehet se ndeshja është anuluar nga autoritetet vendase dhe jo nga UEFA.

Klubi hedh dyshime mbi testet, ku thotë se të tetë futbollistët do të testohen sërish në në laboratorët e licencuar nga UEFA, në Shkup, apo në Tiranë.

“Me vendimin e autoriteteve lokale të Gjibraltarit, përfundimisht ndeshja nuk do te zhvillohet. FC Prishtina, ka qenë tërë kohën në kontakt me Delegatin e UEFA-s, autoritetet lokale dhe me selinë e UEFA-s. Nga autoritetet lokale, ekipit tonë iu është kërkuar të qëndrojë në karantinë dhe të mos lëvizë në asnjë mënyrë nga hoteli, kurse UEFA nuk ka marrë një vendim sot, përderisa vetëm ka përcjell vendimin e Autoriteteve Lokale të Gjibraltarit.  FC Prishtina, ka dërguar në UEFA edhe formacionin e mundshëm startues, pjesë e të cilit kanë qenë 10 futbollistë që kanë testuar negativ dhe 1 që sot ka testuar pozitiv, por që paraprakisht e ka kaluar COVID-19, para rreth 1 muaji, duke e bërë kështu shumë të çuditshëm testimin në Gjibraltar. Klubi ka shprehur gatishmërinë në UEFA që ndeshjen ta zhvillojë edhe pa zëvendësime, përkatësisht pa përfshirjen në lojë të asnjërit prej 7 futbollisteve tjerë që testuan sot pozitiv. Të gjithë 8 futbollistët që kanë testuar pozitiv në Gjibraltar, me t’ u kthyer në Kosovë, klubi do t’ i dërgojë në testim në laboratoret e licensuar nga UEFA, SynLab në Shkup, apo në Tiranë. Skuadra kthehet sonte në Prishtinë”, thuhet në njoftimin e klubit, ndërkohë që ende nuk dihet vendimi që do të merret mbi fatin e ndeshjes./Opinion.al

 

 

Pas