Kronikë

54-vjeçari udhëtoi nga Tirana për të vrarë të moshuarin në Tropojë


Bëhu pjesë e Grupit Zyrtar të Opinion.al
>> KËTU <<
               Publikuar në : 08:54 - 19/09/18 |
b.f

Zbardhet ngjarja e mbrëmshme në Tropojë ku mbeti i vrarë me armë zjarri një 69-vjeçar në bjeshkët e Doberdolit. Policia bën të ditur se Tahir Bajraktari është vrarë nga N.L, 54-vjeç. Autori është me banim në Tiranë dhe kishte udhëtuar në drejtim të Tropojës për të vrarë Bajraktarin. Ngjarja tha policia ka ndodhur për motive të dobëta pa i specifikuar ato.

Njoftimi i policisë

Policia identifikon autorin e dyshuar të vrasjes së 69 vjeçarit në bjeshkën e Doberdolit Tropojë.

Në lidhje me ngjarjen e ndodhur mbasditen e datës 18.09.2018, ku u gjet i vrarë me armë zjarri shtetasi T.B, 69 vjeç, Drejtoria Vendore e Policisë Kukës, ngriti një grup të posaçëm hetimor. Falë veprimeve të shpejta dhe profesionale si dhe hetimeve intensive nga grupi hetimor, u bë e mundur identifikimi i autorit të dyshuar shtetasi N.L, 54 vjeç banues në Tiranë.

Shtetasi N.L dyshohet se më datë 18.09.2018, për motive të dobëta dyshohet se ka vrarë me armë zjarri në banesën e tij në bjeshkën e Doberdolit, Tropojë Fshat, shtetasin T.B., 69 vjeç.

Vijon puna për kapjen e autorit të dyshuar të kësaj ngjarje. Materialet i kaluan Prokurorisë pranë Gjykatës së Shkallës së Parë Tropojë, për veprat penale të parashikuara nga nenet 76 e 278 të Kodit Penal.