Pasi zbuloi disa zona të jetëgjatësisë, ku njerëzit priren të jetojnë veçanërisht gjatë, shkrimtari Dan Butner shpenzoi një dekadë në identifikimin e disa faktorëve që mund të zgjasin shëndetin dhe jetën për njerëzit në “Zonat Blu”.
Ikaria, Greqi: Njerëzit dremisin pak, pasi kanë pirë nga një filxhan çaj
Banorët e këtij ishulli, kanë 3 herë më shumë gjasa të arrijnë moshën 90 vjeçare, sesa njerëzit në SHBA. Gati asnjë nga të moshuarit nuk shfaq simptoma të depresionit. Ata konsumonin rregullisht çajra bimorë.
Çajrat tradicionalë grekë përfshijnë nenexhikun e egër, rozmarinën për fytin dhe artemisian.
Okinaua, Japoni: Njerëzit mbajnë marrëdhënie pozitive mes tyre
Japonia është kombi me jetëgjatësinë më të madhe në botë, me një mesatare prej 83-vjeç sipas Organizatës Botërore të Shëndetësisë. Butner ia atribuon këtë lidhjeve sociale të forta.
Okinauasit i mbeten besnikë kulturës tradicionale japoneze, duke përfshirë ruajtjen e miqësive të përjetshme të quajtura ‘moais’, të cilat ofrojnë mbështetje emocionale dhe sociale.
Loma Linda, Kaliforni: Banorët janë kryesisht vegjetarianë
Gjashtëdhjetë milje në lindje të Los Anxhelosit, ndodhet qyteza Loma Linda, ku përqindja e njerëzve në moshën 85-vjeç e lart, është më shumë se dyfishi i asaj të Kalifornisë. Rreth 4 në 10 banorë të Loma Lindas janë Adventistë të Ditës së Shtatë, një sekt kristian pasuesit e të cilëve jetojnë më gjatë se çdo grupim tjetër fetar në Amerikë.
Besimi bazohet në jetesën e shëndetshme, duke dekurajuar pirjen e duhanit dhe konsumimin e alkoolit, ndërsa inkurajon stërvitjen fizike. Shumica e tyre janë vegjetarianë.
Nikoja, Kosta Rika: Banorët konsumojnë disa lloje lëngjesh
Në Nikoja, një 60 vjeçar ka dyfish shanse të arrijë deri në 90-vjeç, sesa një njeri që jeton në Francë, Japoni ose në SHBA. Kjo ka të bëjë edhe me dietën e tyre ushqimore. Zakonisht, ata hanë vaktin kryesor në mëngjes, dhe më të vogël në mbrëmje, çka sipas Butner thotë se i ndihmon ata të shmangin ngrënien.
Sardenjë, Itali: Banorët shëtisin rregullisht
Përveç një numri të madh 100-vjeçarësh, Sardenja njihet si një vend ku mbarështohen shumë dele. Komuniteti ka shumë 100-vjeçarë, të cilët kur kanë qenë të rinj ecnin rregullisht deri në 5 kilometra në ditë në terrene të thyera, për të kryer detyrat e tyre si barinj, sipas Butner./E.M
