Ditën e sotme u gjet i pajetë në makinën e tij pranë një karburanti 46-vjeçari Ridvan Ramazani, i cili ishte qëlluar me armë zjarri në fshatin Mushan
Deri më tani motivet e ngjarjes janë të paqarta, ndërsa policia ka bërë të ditur se po bën krehjen e zonës, ndërsa në ndihmë u janë bashkuar forcat e FNSh Shkodër dhe forcat Speciale Renea.
Ramazani njihej si një person me precedentë penalë në Shkodër dhe me probleme me grupet e tjera kriminale në zonë. Bëhet me dije se në vitin 2008 është ekzekutuar edhe vëllai i 46-vjeçarit, Enver Hyseni (Ramazani)./ Opinion.al
