Aktualitet

31 të arrestuar për dëmet e tërmetit në Tiranë, provat që ka prokuroria


Bëhu pjesë e Grupit Zyrtar të Opinion.al
>> KËTU <<
               Publikuar në : 13:25 - 15/01/20 |
Opi Nion

Deri më tani janë 31 të arrestuar. Drejtuesja e Prokurorisë së Tiranës, Elizabeta Imeraj ka dhënë detaje mbi flet arrestet e prera për zyrtarë, ish zyrtarë apo ndërtues në lidhje me dosjen e tërmetit të 26 nëntorit.

Sipas drejtueses së Prokurorisë në qarkun e Tiranës janë shpallur 125 pallate e 200 objekte private të pabanueshme. Po ashtu janë dhe 25 institucione të dëmtuara.

Po hetohen të gjitha objektet e pabanueshme. Janë arrestuar 31 përgjegjës për këto dëme“, tha ndër të tjera Imeraj.

Mes të ndaluarve janë edhe ish-kryekomunari i Farkës, Fatbardh Plaku dhe ai i Kasharit, Besnik Fuçia, si dhe shefi i Urbanistikës në Vorë, Luan Beta, dhe Adhurim Qehahaj, ish-shef i Urbanistikës në Bashkinë e Durrësit.

Ata dyshohen të kenë favorizuar ndërtime jashtë kritereve apo lejeve të lëshuara, për ndërtime të një cilësie të dobët, duke ndërhyrë në strukturë me hollimin e  bazamenteve mbajtëse të tyre. Të arrestuairt akuzohen për ndërtim të paligjshëm, shpërdorim detyre dhe falsifikim dokumentesh.

Mungojnë studimet sizmiologjike, të cilat për një kategori ndërtesash mbi 7 kate është akt i domosdoshëm. Mungojnë oponencat teknike për administratorët e të cilëve janë lëshuar edhe urdhra ndalimi, mungojnë procesverbale të përfundimit të karabinave, të objektit. Në disa dosje mungojnë aktet e konstatimeve nga zyrat urbanistike, në komunat Farkë dhe Kashar, për të legalizuar mungojnë aktet e qëndrueshmërisë“, tha prokurori i dosjes, duke shtuar se këto janë shkeljet që lidhen me ish-funksionarët publikë në komunën e Farkës dhe të Kasharit të cilët kanë shpërdoruar detyrën.

Ndërkohë sa i përket detyrave që i takojnë drejtuesve ligjorë të objekteve, inxhinierëve etj, prokurori sqaroi mangësitë që kanë gjetur në dokumentacion.

Ka mangësi lidhur me aktet e kolaudimit të objekteve. Ka mangësi edhe në aktet e marrjes në dorëzim të shesheve të ndërtimit, procesverbali i gërmimit, betonimit, të lidhjes së hekurit, të provave për betonin dhe hekurin, certifikatat e cilësisë së punimeve, dhe një sërë aktesh të tjera që janë konstatuar me mangësi. Në disa raste mungon edhe leja e objektit dhënë nga njësia administrative“.

***

Të arrestuar:  Fatbardh Plaku ish-kreu i Komunës Farkë;  Besnik Fuçia, ish-kreu i Komunës Kashar; Luan Beta, ish-kreu i Urbanistikës, Vorë; Anila Harxhi, arkitekte; Merita Kushi; Bukurije Halili; Asqeri Xhanari; Vjollca Hoxholli (ndërtuese); Gerti Çalliku; Jani Ikonomi ;Qirjako Gjergo ;Sherbet Shehi; Naim Shehi ; Ermir Çina; Adhurim Qehajaj; Gëzim Shkalla; Pëllumb Fortuzi (ndërtues); Xhevahir Doda; Reis Muça; Hekri Disha; Agim Eski; Faik Fejzo; Zhaneta Tagani; Muhamed Felahi; Ndoc Pepkola; Hekri Disho; Fejzo Dyrmishi (ndërtues)./ Opinion.al 

Pas