Një vajzë 19-vjeçare me koronavirus është përdhunuar në Indi nga shoferi i ambulancës që po e dërgonte në spital.
Sipas “Indian Express”, ngjarja ka ndodhur të shtunën e kaluar në distriktin Pathanamhitta të Keralës.
Shoferi i ambulancës kishte marrë të renë dhe një grua tjetër për t’i dërguar në spital. Pasi la gruan në qendrën mjekësore përkatëse, shoferi vijoi rrugën për në spitalin tjetër ku duhet të dërgonte 19-vjeçaren, por abuzoi seksualisht me të përpara se ta linte në spital.
Aty, e reja tregoi se çfarë kishte ndodhur dhe shoferi u arrestua.
Sakaq, sipas të dhënave nga Universiteti Johns Hopkins, India është tashmë vendi i dytë me më shumë raste të koronavirusit me 4,284,103 dhe i treti me numrin e jetëve të humbura, 72,843 vdekje për shkak të pandemisë./ Opinion.al
