Aktualitet

1 vit nga vrasja e Klodian Rashës/ Babai: Mu plagos shpirti, fëmijën ma përbaltën


Bëhu pjesë e Grupit Zyrtar të Opinion.al
>> KËTU <<
               Publikuar në : 09:56 - 08/12/21 |
Opi Nion

Pikërisht në 8 Dhjetor, Ditën e Rinisë, shënohet një vit nga ngjarja e rëndë që tronditi mbarë vendin, ku u vra 25-vjeçari Klodian Rasha nga ish-efektivi i policisë, Nevaldo Hajdaraj.

Në këtë ditë babai i tij në një deklaratë për media u shpreh se i është coptuar zemra nga dhimbja teksa theksoi se uron që askujt të mos i ndodhë një tragjedi e tillë.

Ndër të tjera babai i Klodian Rashës kërkoi zbardhjen e ngjarjes pasi sipas tij persona të caktuar apo segmente të caktuar u munduan që djalin e tij ta përbaltin dhe ta inkrimojnë “dhe të arrijnë deri aty sa të vënë armën që ai të bëhet kriminel”.

 “Lus zotin që të tilla tragjedi  të mos ekzistojnë në asnjë vend të botës, mua më plagosi shpirtin, mua më ndau  zemrën, kjo ka qenë arsyeja që ditën e parë që iu kam kërkuar që këtë lloj plage të mos e imagjinojë askush. Të tilla tragjedi të mos ketë asnjë familje asnjë qenie njerëzore. Dua të shpreh mirënjohje për secilin që ka shprehur interes për familjen time. Besoj se nuk ka specie në botë që të imagjinojë që në 2021 një nënë një baba, aq më tepër një malësor si puna ime, të luajë apo të imagjinojë të shesë apo të blejë gjakun e fëmijës së vetë. Ky nuk është faji im është faji i asaj qenie që mund ti shkojë ndërmend. Në shtëpinë time kam pritur e kam përcjellë numër të madh njerëzish, jam mirënjohës për secilin, qoftë qytetarë apo pushtetarë. Shteti e ka për detyrë atë që se ka bërë deri tani ndoshta ta bëjë. Më esencialja që kërkoj është zbardhjen e inkriminimit që persona të caktuar apo segmente të caktuar u munduan që fëmijën ta përbaltin ta inkrimojnë dhe të arrijnë deri aty sa të vendosin edhe armën aty sa fëmija të bëhet kriminel. Ja kërkoj shtetit që përbaltjen e djalit, inkriminim dhe personin që vendosi armën ta gjejë, sa unë nuk kam vendos akoma për ta kërkuar dhe për ta gjetur vetë. Lus Zotin që tragjedi dhe plagë të tilla të mos përjetojë asnjë person”, ka thënë baba i Klodian Rashës./Opinion.al

Pas