Politikë

1.15 miliardë euro për rindërtimin,Kryemadhi: Si do i paguajë Rama kreditë


               Publikuar në : 19:03 - 18/02/20 |
Opi Nion

Kryetarja e LSI, Monika Kryemadhi mbrëmjen e sotme ka zhvilluar një takim me strukturat e kësaj partie në Durrës.

Në fjalën e saj, Kryemadhi ka folur në lidhje me 1.15 miliardë eurot e mbledhura për Shqipërinë në Konferencën e Donatorëve, ditën e djeshme për rindërtimin e Shqipërisë.

Kryetarja e LSI tha se grumbullimin e parave kryeministri Rama e shet si fitore, por këto para janë në ngarkim të qytetarëve shqiptarë, sepse 850 milionë euro prej 1.15 miliard eurove janë borxhe dhe do ti paguajnë taksapaguesit shqiptarë.

Sipas saj shqiptarët nuk duhet të habiten kur fatura e dritave, ujit apo edhe çdo taksë bashkiake të vijë dyfish më e shtrenjtë.

“Asnjërit prej nesh qeveria nuk është ulur ti ofrojë diçka dhe ti thotë po të dal diçka. Kjo qeveri është e rrëzuar, por ne akoma nuk po e kuptojmë që rrëzimi i kësaj qeverie do të tërheq zvarrë të rinjtë shqiptarë. Falënderoj të gjithë miqtë e shqiptarëve që në takimin e djeshëm i ofruan Shqipërisë bujarinë e tyre. Kjo bujari nuk ishte ndaj tij dhe qeverisë, por ndaj shqiptarëve dhe familjeve të tyre që është sot e kësaj ditë flenë në çadra në oborret e shtëpive të tyre. E gjithë kjo bujari nuk është gjë tjetër veçse respekt, mirënjohje, përkrahje, solidarizim për atë që i dhanë Shqipërisë dhe shqiptarëve. Nuk mund të thuash që është meritë e një kryeministri që të marrë 850 milionë euro borxh dhe do ti paguajnë shqiptarët me taksat e tyre. Rama do fusë dorën në xhepin e shqiptarëve për të shlyer borxhet. Nëse e kemi paguar faturën 70, 100 mijë lekë të vjetra mos u çudisni kur kjo faturë të dyfishohet dhe çmimi i karburantit gjithashtu. Mos u çudisni edhe kur fatura e ujit, kur mos kemi ujë në rubinete të paguhet dyfish”, tha Kryemadhi./ Opinion.al

Pas