Toni Gogu është zgjedhur kryetari i Këshillit Bashkiak të Tiranës.
Propozimi për të erdhi nga kryetari i këshilltarëve socialist, Eridian Salianji. Në procesin e votimit morën pjesë 56 anëtarë të Këshillit Bashkiak Tiranë.
Toni Gogu aktualisht mban postin e zëvendës ministrit të drejtësisë.
“Me një eksperiencë shumë të vlerësueshme për nga përkushtimi dhe korrektesa, ai ka drejtuar një organizatë të rëndësishme ndërkombëtare si Word Vizion për Shqipërinë dhe Kosovën. Po kaq pozitive do të vlerësoja edhe punën e tij në sistemin e drejtësisë, duke lënë gjurmë të posaçme gjatë veprimtarisë së tij deri në detyrën e zëvendës ministrit të drejtësisë së fundmi”, tha Kryetari i Këshillit të Qarkut Aldrin Dalipi.
Seanca ka vijuar me procedurën e zgjedhjes së drejtuesve të rinj të Këshillit Bashkiak, ku në detyrën e nënkryetarëve u zgjodhën Vjollca Braho dhe Luan Bregasi. /Opinion.al
