Është gjetur Marbella të Spanjës trupi i pajetë i 30-vjeçarit Miklovan Danaj, i cili u zhduk në muajin maj.
Mediat spanjolle shkruajnë se të afërmit e tij morën një telegram që konfirmonte vrasjen e tij dhe i paralajmëronte të mos e kërkonin.
Danaj ishte i përfshirë në trafikun e kokainës dhe klanet ndërkombëtare të drogës. Zhdukja e tij u raportua në Spanjë e Shqipëri.
Guardia Civil ka nisur një hetim në Marbella. Nuk ka pasur arrestime për ngjarjen dhe autoritetet nuk kanë zbuluar informacion mbi rrethanat aktuale të gjetjes së tij.
Bashkëpunimi me autoritetet shqiptare është i vazhdueshëm për të sqaruar situatën. Hetimi është duke vazhduar dhe autoritetet paralajmërojnë publikun të mos përhapë mesazhe ose informacione të pabazuara në lidhje me këtë ngjarje.
