Aktualitet

Zoto e Gugallja paguhen dhe pse janë në hetim? Rama: Kontrata vazhdon



Bëhu pjesë e Grupit Zyrtar të Opinion.al
>> KËTU <<
               Publikuar në : 14:16 - 23/02/22 |
Opi Nion

Teksa po dëshmon këtë të mërkurë në Komisionin Hetimor për Inceneratorët Kryeministri Edi Rama është shprehur se dy administratorët e inceneratorëve, Klodian Zoto dhe Stela Gugallja, janë shpallur në kërkim dhe po hetohen pasi kanë hyrë në marrëdhënie korruptive me ish-ministrin Lefter Koka.

“Janë në kërkim se kanë marrë këto 430 milionë eurot dhe i kanë çuar diku dhe atje presin që Të shkojmë dhe ne e t’i ndajmë? Apo sepse në bazë të hetimeve dyshohet se kanë hyrë në marrëdhënie korruptive me një ish-ministër? Janë dy gjëra shumë të ndryshme”, tha Rama.

Më tej, Rama është shprehur se është i lumtur që reforma në drejtësi po funksionon, teksa ka theksuar se me ish-ministrin Koka ka punuar shumë mirë.

“Jam shumë i lumtur që reforma në drejtësi po funksionon, që gjërat po ndahen. Dhe nëse unë them që do të bëjmë këtë, dhe dikush… Unë me Lefter Kokën kam punuar shumë mirë, që të jemi të qartë”.

Sa i përket vijimit të pagesave ndaj kompanive të inceneratorëve edhe pse dy prej administratorëve janë shpallur në kërkim, Rama tha: “Ata nuk janë duke u gjykuar, janë duke u hetuar. Për sa kohë nuk kemi asnjë vendim nga organet përkatëse, vazhdon kontrata, është shumë e thjeshtë”./Opinion.al

Pas