Rezultatet e para nga zgjedhjet parlamentare në Hungari tregojnë një përmbysje të madhe politike, ku kryeministri aktual Viktor Orbán duket se ka humbur përballë rivalit të tij Péter Magyar.
Me 45.7% të votave të numëruara, Péter Magyar dhe partia e tij Tisza Party projektohen të fitojnë 135 vende nga gjithsej 199 në parlament, duke siguruar një shumicë të fortë.
Ndërkohë, partia në pushtet Fidesz e udhëhequr nga Viktor Orbán parashikohet të marrë vetëm 57 mandate, sipas të dhënave nga Europe Elects.
Në një reagim në rrjetet sociale, Péter Magyar bëri të ditur se Orbán e kishte uruar me telefon për rezultatin, ndërsa më herët kishte falënderuar qytetarët me mesazhin: “Faleminderit Hungari”.
“Rezultatet janë të qarta, është e dhimbshme për ne”, kështu u shpreh Viktor Orban, i cili konfirmoi se e kishte përgëzuar partinë e Peter Magyar për fitoren e tyre, shkruan La Republica.
