Partia Demokratike po bëhet gati për protesta. Sot kemi mësuar se në orët e pasdites do të ketë takime të rëndësishme në selinë blu. Kështu në orën 17:00 Basha do të mbledhë kryetarët e partive në rrethe dhe në orën 18:00 do të mblidhet grupi parlamentar i PD-së.
Burime nga kjo seli thanë se do të propozohet edhe mbajtja e një proteste të hënën, më 18 Dhjetor kur Parlamenti voton prokurorin e ri të përkohshëm. Po këto burime sqaruan se vendimi mbi protestën si dhe qendrimi i PD-së ndaj seancës plenare do të merret në orët e pasdites.
Edhe dje Opinion.al në shkrimin me titull: A po nis PD protestat? ka paralajmëruar se lëvizja e radhës e opozitës do të jenë protestat kundër qeverisë.
