Bota

Zemërimi global mbi vdekjen e Floyd rritet,po kthehet në reagim anti-Trump


Bëhu pjesë e Grupit Zyrtar të Opinion.al
>> KËTU <<
               Publikuar në : 11:42 - 03/06/20 |
el ida

New York times-

Reagimi publik mbi racizmin në Shtetet e Bashkuara shpërtheu nga Addis Ababa në Vancouver. Kina dhe Irani, kanë kritikuar respektimin e të drejtave të njeriut nga administrata Trump, dhe quajtën vrasjen e Floyd, një simbol të hipokrizisë amerikane.

Protestat masive mbi vrasjen e një afrikano-amerikani nga policia në Shtetet e Bashkuara, u përhapën globalisht gjatë ditëve të kaluara, pasi shumë demonstrues jo vetëm që shprehën solidaritet me homologët e tyre amerikanë, por denoncuan racizmin në vendet e tyre.

Disa kritikë, veçanërisht në Kinë dhe Iran, e përdorën vrasjen për të devijuar nga problemet e tyre, duke thënë se kjo tregoi atë që ata e quajtën hipokrizi dhe arrogancë të administratës së Trumpit, gjithnjë e më të izoluar.

Kritikat kanë shpërthyer në rrugët e Berlinit, Londrës, Parisit dhe Vankuverit, British Columbia, deri në kryeqytetet në Afrikë, Amerikën Latine dhe Lindjen e Mesme. Artistët vizatuan një murale anti-racizëm në një pjesë të rrethuar të Sirisë. Protestuesit libanezë dhe kilianë ofruan këshilla për mbrojtjen nga abuzimi i policisë.

Në Londër, mijëra demonstrues u paraqitën pranë ambasadës së Shteteve të Bashkuara, në kundërshtim me kufizimet e koronavirusit dhe brohoritën fjalët e Floyd, ‘Nuk mund të marr frymë’ dhe ‘Pa drejtësi, pa paqe’ para se të shkonin Grenfell Toëer, vendi i një zjarri shkatërrues në 2017 që vrau shumë arabë, muslimanë dhe afrikanë. Në një memorial në bazën e kullës, një protestues shkruajti, ‘Jetët e afrikano-amerikanëve kanë rëndësi’.

Në Toronto, thirrjet për t’i dhënë fund racizmit amerikan u bashkuan me zemërimin për shkak të vdekjes së Regis Korchinski-Paquet, 29 vjeç, një grua afrikano-amerikane, për të cilën policia tha se ra nga ballkoni i saj, pasi oficerët mbërritën në shtëpinë e saj. Shefi i policisë tha se thirrjet që policia mund të bëntë shumë më tepër, i quajti ‘të çmendura’.

Dhe në Paris, në mesin e atyre që bënin thirrje për protesta ishte familja e Adama Traoré, një afrikano-amerikane 24-vjeçare që vdiq në paraburgim në vitin 2016, pasi u kap nga policia. La Vérité Pour Adama, ose ‘e vërteta për Adama’, një grup avokatësh tha që vdekja e Floyd ishte një kujtesë e trishtueshme.

Në Berlin, mijëra demonstrues protestuan në mënyrë paqësore para ambasadës amerikane të shtunën, me disa pankarta që mbanin shkrime, ‘Ndaloni së na vrari’. Tre lojtarë në ligën më të mirë të futbollit në Gjermani – sulmuesi anglez Jadon Sancho; sulmuesi francez Marcus Thuram; dhe mesfushori amerikan Weston McKennie – bënë gjeste në mbështetjeje të Floyd gjatë ndeshjeve të fundjavës.

Në qendër të Montrealit, një protestë të dielën u bë e dhunshme, pasi policia e vlerësoi të paligjshme.
Në provincën veri-perëndimore të Idlib-it, në Siri, dy artistë pikturuan një murale në një ndërtesë të rrënuar që lexonte ‘Nuk mund të marr frymë’ dhe ‘Jo racizmit’, të shtyrë dhe nga shtypja e forcave opozitare nga qeveria siriane.

Në Iran, Mohammad Javad Zarif, ministri i jashtëm, postoi një pamje të dokumentuar të një deklarate të vitit 2018 nga zyrtarë amerikanë që dënojnë Iranin për korrupsion dhe padrejtësi. Në versionin e tij, referencat për Iranin u zëvendësuan me Amerikën.  Në Liban, një grup përpiloi një dokument të titulluar ‘Nga Beiruti në Minneapolis: Një udhëzues protestimi në shenjë solidariteti’ si një mënyrë për të dënuar abuzimet e shtetit.

Në Kili, aktivistja Danae Pradenas, ka shkruar në Tëitter, duke paralajmëruar demonstruesit në Shtetet e Bashkuara të mbrojnë sytë nga plumbat prej gome të policisë. Qindra protestues kilian u plagosën ose u verbuan nga plumbat teksa protestuan për pabarazinë, tetorin e kaluar. Një imazh i flamurit të Kilit me mesazhin ‘Unë nuk mund të shoh’ dhe flamuri i Shteteve të Bashkuara me ‘Unë nuk mund të marr frymë’ po qarkullon në mediat sociale.

Në Australi, hashtagu #aboriginallivesmatter ka nisur të shpërndahet në Tëitter nga e hëna. Imazhet e trazirave në Shtetet e Bashkuara kanë rindezur debatin për problemet e Australisë me brutalitetin e policisë. Disa vunë re se më shumë se 400 australianë autoktonë kishin vdekur në paraburgim policor që nga viti 1991, pa një oficer të vetëm policie të dënuar për abuzim.

Në Kinë, ku zyrtarët janë zemëruar nga kritikat e Trumpit për mënyrën se si Kina e trajtoi shpërthimin e koronavirusit, media e drejtuar nga shteti paraqiti raporte për vdekjen e Floyd dhe portretizoi protestat si një shenjë tjetër e rënies së Amerikës. ‘BunkerBoy’ u kthye në një trend, pas raportimeve që agjentët e shërbimit sekret e futën Trumpin në një bunker të premten në mbrëmje, teksa qindra qytetarë protestuan jashtë Shtëpisë së Bardhë. Kur një zyrtar amerikan sulmoi të shtunën, Partinë Komuniste në pushtet, për lëvizjet në Hong Kong, një zëdhënëse e qeverisë kineze ja ktheu me refrenin popullor të përdorur nga protestuesit në Shtetet e Bashkuara, ‘Nuk mund të marr frymë’./Opinion,al

Pas