Ju prisni një Mirëseardhje? Këtu keni një kovë me ujë të ftohtë! Kështu e nis shkrimin e saj Politico.Eu e cila ka siguruar pjesë nga strategjia për Ballkanin Perendimor që do të paraqitet sot në Bruksel.
Më poshtë shkrimi i plotë
Strategjia e re e Komisionit Evropian për Ballkanin Perëndimor paraqet mundësinë që dy vende nga rajoni, Serbia dhe Mali i Zi mund të jenë potencialisht të gatshëm për t’u bashkuar me BE deri në vitin 2025. Ajo gjithashtu ofron mbështetje më të madhe për katër anëtarët e tjerë të mundshëm nga rajoni që u përfshinë në luftëra në vitet 1990.
Por kjo strategjia ua bën të qartë politikanëve të gjashtë vendeve: Shqipërisë, Bosnje- Herzegovinës, Kosovës, Maqedonisë, Malit të Zi dhe Serbisë – se ata do të duhet të marrin me shumë seriozitet vendosjen e sundimit të ligjit, heqjen e korrupsionit, goditjen e krimit të organizuar , zgjidhjen e mosmarrëveshjeve dypalëshe dhe ndërmarrjen e një sërë ndryshimesh të tjera demokratike.
“Bashkimi me BE është shumë më tepër se një proces teknik. Kjo është një zgjedhje e gjeneratës, e bazuar në vlerat themelore, të cilat çdo vend duhet të përqafojnë më aktivisht, nga politikat e tyre të huaja dhe rajonale deri në atë që fëmijët mësojnë në shkollë “, thotë strategjia e re, e siguruar nga “POLITICO” përpara miratimit nga Komisioni Europian ditën e martë.
Strategjia shërben si një udhërrëfyes, pasi Presidenti i Komisionit Jean-Claude Juncker shtatorin e kaluar sinjalizoi një hapje të BE në fjalimin e tij para shteteve anëtare. Juncker dhe udhëheqësit e tjerë të BE kanë një angazhim të ri për Ballkanin Perëndimor për shkak të shqetësimit rreth rritjes së ndikimit rus, kinez dhe turk. Kriza e refugjatëve e vitit 2015, në të cilën qindra mijëra emigrantë dolën në Evropën Perëndimore përmes rrugës së Ballkanit Perëndimor, diktuan rëndësinë për stabilitet në rajon.
“Vendet e Ballkanit Perëndimor tani kanë një dritare historike të mundësisë për të lidhur në mënyrë të vendosur dhe pa ekuivoke të ardhmen e tyre në Bashkimin Evropian. Ata do të duhet të veprojnë me vendosmëri “, thotë strategjia, që do të zbulohet nga shefja e politikës së jashtme të BE, Federica Mogherini dhe Johannes Hahn, komisioneri për zgjerimin.
Si pjesë e shtytjes së re, Juncker do të vizitojë Ballkanin Perëndimor për një javë në fund të këtij muaji, duke filluar në Shkup më 25 shkurt, tha një diplomat i BE-së.
/Në shqip: Opinion.al
Në tabele: Popujt e Ballkanit që mbështesin më së shumti aderimin në BE, shprehur në perqindje: Me blu “pro”, me te kuqe “kundra”, me gri “te painteresuar”.
