-Kulturë

Zbulohet imazhi 2 mijë vjeçar i maces në faqen e një kodre në Peru


Bëhu pjesë e Grupit Zyrtar të Opinion.al
>> KËTU <<
               Publikuar në : 18:45 - 19/10/20 |
Al Do

Imazhi gjigand i një maceje të vizatuar në faqen e një kodre, është zbuluar në shkretëtirën Nazka në Peru.

Të njohura ndryshe si gjeoglifë, zbulimi i imazhit të maces në Nazka, pason disa dhjetra të tjerë të cilat njihen nën emrin Vijat e Nazkas (Nazca Lines).

Ato janë shpallur trashëgimi kulturore nga UNESCO. Por ajo që e bën më të veçantë zbulimin e fundit është se ai nuk daton në të njejtën kohë me imazhet e tjera, sipas studiuesve.

Arkeologët thonë se macja ishte e epokës së vonë të Parakas, e cila filloi nga viti 500 para Krishtit deri në vitin 200 pas Krishtit.

Imazhi 2 mijë vjeçar është 37 metra i gjatë dhe është krijuar duke lëvizur gurët në mënyrë të tillë që të ekspozohet kontrasti midis materialeve të ndryshme të tokës në këtë shkretëtirë.

Këto vepra arti janë ndër enigmat më të mëdha arkeologjike, sipas UNESCO-s, që i ka listuar ato si pasuri botërore në vitin 1994./ Opinion.al

Pas