Aktualitet

Zbardhen argumentat pse ra akuza e pastrimit të parave ndaj Lulzim Bashës


               Publikuar në : 19:47 - 09/11/19 |
Al Do

Dy prokurorët Ervin Karanxha dhe Gjergji Tako vendosën që dosja penale ndaj shefit të opozitës, Lulzim Basha dhe dy zyrtarëve të tjerë të Partisë Demokratike, të shkojë për gjykim vetëm me akuzat e falsifikimit të formularëve duke rrëzuar kështu akuzën tjetër për pastrim parash. Kjo solli një përplasje mes grupit të tre prokurorëve që hetojnë çështjen pasi njëri prej tyre, Kol Hysenaj, nuk ka pranuar të firmosë mbylljen e hetimeve.

Rrëzimin e akuzës së pastrimit të parave, Lulzim Basha e cilësoi si rënie të gënjeshtrës së sajuar nga kryeministri Edi Rama.

Megjithatë prokurorët e kanë argumentuar pushimin e kësaj akuze. Sipas News 24 që ka zbardhur dosjen, prokurorët argumentojnë së pari “se për të qenë përpara veprës penale të pastrimit të parave, duhet që një person të ketë kryer një vepër penale, nga e cila siguron të ardhura, të cilat më pas i vë në qarkullim, duke fshehur të ardhurat që burojnë nga krimi. Në kushtet kur nuk ka vepër penale, prej nga të rrjedhin të ardhura, prokurorët thonë se nuk qëndron vepra e pastrimit të parave

Argumenti i dytë i tyre është se duke ngritur këtë akuzë mund të bëheshin pengesë për marrjen e dëshmisë së lobistit Nik Muzin.

“Nga korrespondenca e bërë me autoritetet e ndjekjes penale të Shteteve të Bashkuara të Amerikës rezulton se  shtetasi amerikan Nikolas Muzin ka vendosur që të flasë për këtë çështjes penale, pra lobimin e kryer. Autoritetet amerikane i kanë dhënë garanci se nuk do të ndiqet penalisht ky shtetas në rast se jep deklarime për të zbardhur ngjarjen. Prokuroria amerikan ka komunikuar me prokurorinë ku përcjell kërkesën e Nikolas Muzin, për të mos patur përgjegjësi penale në territorin e republikës së Shqipërisë në këmbim të dhënies së dëshmisë së tij me çështjen objekt hetimi me qëllim zbardhjen e plotë të ngjarjes” shkruhet në dosje.

Një argument tjetër që prokurorët përdorin është se “pagesat e kryera për të bërë takime dhe foto me zyrtarë të rëndësishëm të shtetit amerikan, janë një produkt, që nuk gjenerojnë të ardhura që rrjedhin nga vepra penale.” /Opinion.al

Pas