Policia ka nisur procedim penal ndaj dy personave në të cilët zaptuan tokë në bregdet dhe e shfrytëzonin për të vendosur çadra dhe shezlogë.
Të proceduarit janë I. S., 32 vjeç dhe A. L., 47 vjeç, të dy banues në Tiranë. Ata tashmëe akuzohen për veprat penale “Pushtimi i tokës” dhe “Fshehja e të ardhurave”.
Shërbimet e Policisë Himarë, në bashkëpunim me Policinë Bashkiake Himarë, kanë liruar hapësirën publike, duke hequr 120 çadrat dhe shezlongët që ishin vendosur pa lejen përkatëse, në vendin e quajtur “Porto Palermo”.
Materialet në ngarkim të këtyre shtetasve u referuan në Prokurorinë pranë Gjykatës së Shkallës së Parë Vlorë, për veprime të mëtejshme.
KOMENTO (0)
