TIRANE- Opinion.al konfirmon përmes burimeve se Ylli Manjani do të jetë ministri i ri i Drejtësisë. Ylli Manjani ka përshkuar në këmbë rrugën nga Rogner në Kryeministri pas një takimi që pati aty me Metën e Vasilin. Ai ka zhvilluar një takim me Kryeministrin Rama përreth 30 minuta, ku i është zyrtarizuar vendimi për të drejtuar një nga dikasteret më të rëndësishme.
Sakaq, para se të hynte në selinë qeveritare, i pyetur nga mediat, Ylli Manjani ka dhënë sinjale se do ta pranojë postin sapo t’i ofrohet.
“Kushdo që merret me politikë është i gatshëm të pranojë një post ministror”, u shpreh ai. Ndërsa pyetjes se a do të zëvendësohet nga Naço me një figurë nga LSI, ai ka thënë “besoj se po, pasi nuk ndryshon formula politike e qeverisjes”.
