Operacioni i koduar ‘Xibraka’ ka vënë në pranga një 47-vjeçar pasi u kap me rreth 33 kg kanabis në mjetin e tij. I arrestuari është shtetasi me inicialet A. S., 47 vjeç, banues në Fier dhe u kap në fshatin Xibrakë, në aksin rrugor Elbasan-Librazhd. Gjatë kontrollit të mjetit tip “Fiat” u gjet edhe sasia e drogës.
Në bashkëpunim me Prokurorinë e Rrethit Gjyqësor Elbasan vijon puna për identifikimin dhe arrestimin e personave të tjerë që mund të jenë të përfshirë në këtë veprimtari kriminale./Opinion.al
