Politikë

Xhaçka merr pjesë në samitin e Krimesë



Bëhu pjesë e Grupit Zyrtar të Opinion.al
>> KËTU <<
               Publikuar në : 19:00 - 23/08/22 |
Opi Nion

Ministrja për Europën dhe Punët e Jashtme, Olta Xhaçka mori pjesë këtë të martë në Samitin e Platformës së Krimesë, i cili është i iniciuar nga Presidenti Ukrainas Volodymir Zelensky. Në fjalën e saj Xhaçka u shpreh se lufta aktuale dhe mizoritë që po ndodhin në Ukrainë, i kanë rrënjët e tyre që nga pushtimi i Krimesë në vitin 2014.

“Lufta e tanishme, një luftë e pakuptimtë, kriminale që ka shkaktuar vuajtje dhe shkatërrime të tilla, i ka rrënjët në pushtimin e Krimesë dhe në faktin se në atë kohë bota nuk reagoi siç duhet ndaj asaj që ishte një shkelje flagrante e së drejtës ndërkombëtare, të Kartës së Kombeve të Bashkuara dhe të gjithë rendit të bazuar në rregulla. Reagimi i botës ishte i butë”.

Ministrja për Europën dhe Punët e Jashtme, Olta Xhaçka, foli edhe për arsyen që shtyu Shqipërinë të ndihmonte Ukrainën.

“Përpara agresionit të jashtëligjshëm të Rusisë kundër Ukrainës, Ballkani Perëndimor ishte skena e luftës së fundit në Evropë. Kjo është arsyeja pse Shqipëria ka mbështetur në maksimum Ukrainën dhe rezistencën e saj heroike ndaj agresionit, duke qenë një nga vendet e para që dërgoi armatime në Ukrainë”.

Samiti i Platformës së Krimesë u iniciua në vitin 2021 dhe mblodhi përfaqësues të më shumë se 40 shteteve. Për shkak të luftës Rusi Ukrainë, samiti i këtij viti u mbajt virtualisht./Tv Klan

Pas