Presidenti i Serbisë, Aleksandër Vuçiç ka dhënë detaje rreth një komunikimi që ka pasur me kryeministrin shqiptar Edi Rama dhe kryeministrin e Maqedonisë së Veriut, Dimitar Kovacevski përmes një video-thirrjeje.
Përmes një postimi në rrjetin e tij social “Instagram”, Vuçiç ka informuar se takimi i ardhshëm mes tyre do të jetë në Ohër në muajin Qershor, ku pritet të nënshkruhet marrëveshja për bashkëpunim në fushën e kulturës dhe turizmit.
Mësohet se takimi është bërë si pjesë e nismës “Open Balkan”.
“Sot fola përmes video call me kryeministrat e Shqipërisë Edi Rama dhe Maqedonisë së Veriut, Dimitar Kovacevski. Ne kemi rënë dakord të mbajmë një panair të turizmit, verës dhe specialiteteve të kuzhinës nga rajoni në Beograd si pjesë e nismës #OpenBalkan në fillim të shtatorit.
Kemi planifikuar edhe një takim në Ohër në qershor, ku do të nënshkruhet marrëveshja për bashkëpunim në fushën e kulturës dhe turizmit. Ne vazhdojmë të punojmë për zhvillimin e marrëdhënieve ekonomike për të mirën e popujve tanë!”,-shkruan Vuçiç në “Instagram”./Opinion.al
View this post on Instagram
