Rajoni

Vuçiç për takimin në Uashington: Do të jetë një natë e furishme


Bëhu pjesë e Grupit Zyrtar të Opinion.al
>> KËTU <<
               Publikuar në : 12:25 - 26/08/20 |
el ida

Presidenti i Serbisë, Aleksandar Vuçiç, tha se përgatitjet për takimin me Kosovën në Uashington janë në zhvillim e sipër, por shtoi nuk e di se cila do të jetë agjenda.

Vuçiç tha se ka shumë njerëz në Serbi që do të shanin presidentin e Shteteve të Bashkuara, por theksoi se ai nuk mund ta bëjë një gjë të tillë, sepse “do të rrezikonte interesat e Serbisë”.

“Kjo, sidomos për faktin se ky president është në favor të Serbisë më shumë se disa presidentë të tjerë të SHBA-së. Mund t’iu them njerëzve në Serbi se nuk kam asnjë dyshim se për delegacionin që unë drejtoj dhe për të gjithë ne do të jetë një natë e furishme, jo e lehtë, por ne e dimë detyrën tonë”, tha Vuçiç.

Ai tha se po bëhen përgatitje për takim dhe se nuk e tepron nëse thotë se “Beogradi është dhjetë herë më i gatshëm se Prishtina”. Sipas tij, këtë mund ta konfirmojnë edhe përfaqësuesit ndërkombëtarë.

Ai i porositi qytetarët serbë që të mos shqetësohen dhe tha se ka përvojë nga takimet me udhëheqësit më të lartë botërorë.

“Kjo më jep të drejtën të them se do të marrim vendime në mënyrë të zgjuar”, tha Vuçiç, duke theksuar se “ajo që është e keqe dhe shkatërruese për vendin nuk do të pranohet”.

Administrata amerikane ka konfirmuar se kryeministri i Kosovës, Avdullah Hoti, dhe presidenti i Serbisë, Vuçiç, do të takohen në Uashington më 4 shtator./Opinion.al

Pas