Bota

Vritet një punonjëse e policisë në Francë


Bëhu pjesë e Grupit Zyrtar të Opinion.al
>> KËTU <<
               Publikuar në : 17:44 - 23/04/21 |
Opi Nion

Një punonjëse e policisë është goditur për vdekje me thikë brenda një stacioni policie afër Parisit. Incidenti ndodhi në një stacion të policisë në Rambuje, në jug-perëndim të Parisit.

Oficerja administrative, 48 vjeçare, e paarmatosur, u godit me thikë në qafë.

Sulmuesi 36-vjeçar, i cili thuhet se erdhi në Francë nga Tunizia disa vjet më parë, u qëllua dhe më vonë vdiq në spital.

Vrasja po hetohet si sulm i mundshëm terrorist nga ana e prokurorëve anti-terror.

Sulmuesi e goditi punonjësen me thikë në hyrje të stacionit të policisë të premten pasdite derisa ajo po kthehej nga pushimi i saj në ora 14:20.

Dëshmitarët thanë se sulmuesi ishte parë duke ecur jashtë stacionit të policisë dhe e shfrytëzoi mundësinë e tij për të hyrë ndërsa gruaja po kalonte nga dyert e sigurisë.

Kryeministri francez, Jean Castex dhe ministri i Brendshëm, Gerald Darmanin shkuan në vendin e ngjarjes.

“Republika ka humbur një nga heronjtë e saj të përditshëm në një akt barbar”, shkroi Castex në Twitter.

Policia i bëri thirrje publikut të mos shpërndajë thashetheme. Zyrtarët thanë se burri ishte i panjohur për shërbimin e inteligjencës.

Franca ka parë sulme vdekjeprurëse kundër policisë në të kaluarën, përfshirë disa nga ekstremistët islamikë.

Në tetor të vitit 2020, një 21-vjeçar me prejardhje nga Tunizia ka vrarë tre njerëz me thikë, në një kishë të Nicës. Paraprakisht, një mësuesi i është prerë koka në një lagje në rrethinë të Parisit. Të dyja aktet kanë shkaktuar zemërim global./ REL

Pas