Kryesore

Rama-Metës: Lër rakinë ose do ta nxjerrin me zor


Bëhu pjesë e Grupit Zyrtar të Opinion.al
>> KËTU <<
               Publikuar në : 17:55 - 23/04/21 |
Opi Nion

Në mbyllje të fushatës zgjedhore në Durrës, kryeministri Edi Rama ka ironizuar Presidentin Ilir Meta.

Rama u ndal tek rasti i denoncuar këtë të premte ku një kandidat i LSI-së shfaqet në disa filmime të regjistruara me kamera të fshehtë ku flet për blerjen e votave.

Rama ironizoi me shprehjen e Metës për “prerje gishtash e duarsh” për ata që do të vjedhin votat. Ndërkohë ai vazhdoi më tej duke thënë, “ta kisha thënë o lëre rakinë o do të ta nxjerrin me zor”.

“Po sot, një deputet i Ilirit dhe i Monikës u kap me presh në duar. U kap duke blerë vota për llogari të Monikës. Unë thashë tani ‘dil Like rrëmbe sëpatën, shko priti duart’. Mirëpo Likja nuk doli. Dhe jo vetëm nuk doli, por lëshoi një postim. ‘Votoni, do jetë ditë feste, mos kini merak, ju vetëm votoni për demokraci’. O Like, Like… ta kisha thënë ‘o lëre rakinë o do të ta nxjerrin me zor’ dhe është më keq kur ta nxjerrin me zor se kur e lë vetë. Se kur e lë vetë e lë çik ka një çikë, kur e lë me zor e merr sfurkun dhe sëpatën e s’di ku t’ja gjesh vendin. Kuptove Like? Tashi mos dil më. Rri mirë aty ku je. Jam dakord me ty, ditën e diel do të jetë ditë feste, ditën e diel të gjithë këta luanët e dalë nga zgafellat e historisë do kthehen në lepuj që të gjithë. Ditën e diel, patronazhistët tanë, armata jonë e zemrave, mendjeve, e qytetarisë, e buzëqeshjeve dhe e fjalëve që i thuhen njerëzve nga njerëzit, jo me klithma”.-tha Rama./Opinion.al

Pas