Piloti 32-vjeçar Babis Anagnostopoulos, i cili akuzohet për vrasjen e gruas së tij 20-vjeçare Caroline, ka mbërritur ditën e sotme në gjykatë nën masa të rrepta sigurie.
I veshur me anti-plumb dhe i rrethuar nga efektivët grekë ai hyrë në gjykatë, ku pritet të kërkojë falje për krimin që tronditi shtetin fqinj dhe jo vetëm.
Mediat greke raportojnë se seanca pritet të nisë rreth orës 12:00 dhe do të jetë maratonë.
Sikurse transmetojnë mediat greke teksa autori i vrasjes po hynte në gjykatë, një grup njerëzish ishin mbledhur aty pranë dhe bërtisnin: “Vriteni, të kalbet ne burg!”
Raportohet se i akuzuari do të përpiqet t’ia atribuojë krimin e tij intensitetit, dhe kundërsulmeve verbale që ai tha se kishte në natën fatale me Caroline, si rezultat i së cilës “u mjegullua” dhe humbin kontrollin./Opinion.al
