Një makinë e djegur është gjetur në zonën e Zall Herrit, pak orë pas vrasjes së Lulzim Vishës, krim i cili ndodhi paraditen e sotme në Zall Mner, në Tiranë.
Policia po kërkonte një makinë tip “Porcsche”, ngjyrë gri, që dyshohet se u përdor nga autorët.
Visha u gjet i pajetë mëngjesin e së premtes në automjetin e tij të punës, teksa dyshohet se është vrarë me armë.
Kanë qenë banorët e zonës të cilët kanë njoftuar policinë, teksa në makinë janë gjetur 12 gëzhoja. Banorët e zonës kanë deklaruar se nuk kanë dëgjuar të shtëna, çka ngre dyshimin se autorët mund të kenë përdorur silenciator.
Pista kryesore ku janë përqendruar hetimet, është ajo e hasmërisë.
Vëllai i viktimës, Besnik Visha, ka ekzekutuar 28 vjet më parë me armë zjarri Refik Domin, në afërsi të Universitetit Bujqësor të Tiranës.
Për këtë arsye, policia ka ushtruar kontroll në banesën e familjes Domi.
