Shtetet e Bashkuara të Amerikës janë vënë në dijeni të një kasete që tregon momentet e fundit të vdekjes së gazetarit saudit, Jamal Khashoggi.
Presidenti Donald Trump, tha të dielën se ai nuk ka pranuar ta dëgjojë kasetën për shkak të dhunës dhe tmerrit që ajo përmban. Raporti i Shërbimeve amerikane të Inteligjencës pritet të publikohet të martën.
Presidenti amerikan, Donald Trump, nuk ka pranuar të dëgjojë një inçizim të momenteve të fundit të vdekjes së gazetarit saudit, Jamal Khashoggi.
Në një intervistë për televizive kreu i Shtëpisë së Bardhë tha se ai ishte vënë në dijeni të rrethanave brutale të vrasjes përmes burimeve presidenciale. Presidenti Trump tha se në bisedat e shpeshta që ka pasur prej kohësh me princin e kurorës të Arabisë Saudite, Muhamed bin Salman, atij i është thënë se princi nuk është i përfshirë në ngjarje.
Ndërkohë, një raport i papublikuar i CIA-s, tregoi të premten se Bin Salman ka qenë personi që urdhëroi vrasjen e gazetarit Khashoggi në Konsullatën saudite më 2 tetor.
Javën e kaluar, administrata amerikane ka vendosur sanksione ndaj 17 zyrtarëve sauditë për rolin e dyshuar në vrasje, por ligjvënësit amerikanë kanë kërkuar masa më të ashpra, përfshirë reduktim të shitjes së armëve në Arabinë Saudite.
Pavarësisht njoftimeve se CIA mendon që urdhrin e vrasjes së Jamal Khashoggit e dha vetë princi i Kurorës, Muhamed bin Salman, administrata amerikane po tregohet e kujdesshme në nxjerrjen e përfundimeve.
DASH thotë se qeveria nuk ka dalë ende me një vendim përfundimtar se kush janë përgjegjësit e kësaj vrasjeje. Raporti i Agjencisë Qendrore të Zbulimit që përfshinte qartazi princin Mohammed bin Salman, bie në kundërshtim me atë të Arabisë Saudite, prokurori i së cilës më herët e kishte shfajësuar krejtësisht udhëheqësin saudit.
CIA arriti në përfundimin se15 agjentë arabë shkuan me një avion të qeverisë saudite në Stamboll dhe vranë Khashoggin në konsullatën saudite.
Lidhjet ekonomike të SHBA-së dhe Saudit komplikojnë diplomacinë!
Rrjeti i lidhjeve ekonomike mes SHBA dhe Arabisë Saudite është aq kompleks saqë mund të komplikojë diplomacinë në kohë të trazirave.
Megjithatë, Trump mund të zgjedhë ta pranojë këtë tregim të dyshimtë. Ai po i llogarit Sauditët që të mbajnë çmimet e naftës të qëndrueshme muajin e ardhshëm duke ruajtur furnizimin global, pasi Amerika godet Iranin, armikun e tyre të përbashkët, me sanksione të reja që synojnë të presin eksportet e saj të naftës.
Ai e sheh gjithashtu mbretërinë si një treg të rëndësishëm për prodhuesit e armëve amerikane. Z. Trump ende diskutohet për një marrëveshje $110bn të armëve që bëri vitin e kaluar. Ky numër është i fryrë, por ai duket se e beson dhe është i gatshëm të rrezikojë marrëveshjet e ardhshme. Rusia është mbështësi në sfond
Presidenti Trump i ka rezistuar thirrjeve për të pakësuar shitjet e armëve në Arabinë Saudite. Presidenti ka kërkuar lidhje më të ngushta me Arabinë Saudite për të luftuar ndikimin iranian në Lindjen e Mesme, si dhe për të rritur marrëveshjet e tregtisë së armëve midis Uashingtonit dhe Rijadit.
Pershtatur per opinion.al/ wsj.com
