Kronikë

Vrasja e biznesmenit në Ksamil, dyshohet se autorët kanë hyrë në Greqi


Bëhu pjesë e Grupit Zyrtar të Opinion.al
>> KËTU <<
               Publikuar në : 16:40 - 09/06/21 |
Opi Nion

Detaje të reja janë zbardhur nga vrasja e biznesmenit Gramoz Mema në Ksamil, tri ditë më parë.

News24 raporton se është gjetur një makinë e djegur në kufirin greko-shqiptar.

Sipas burimeve bëhet fjalë për një mjet tip “Ford”, të gjetur në vendin e quajtur “Kataeto”, të Bashkisë Konispol, që dyshohet se është përdorur nga autorët në vrasjen e 40-vjeçarit, pranë banesës së tij.

Mendohet se pasi kanë kryer krimin, autorët kanë kaluar Butrintin, duke përdorur Lundrën, dhe më pas kanë përshkuar aksin Vrine-Çiflik, deri në vendin e quajtur “Kataeto”, ku kanë djegur makinën.

Fakti që mjeti është gjetur në këtë vend ngre dyshime se autorët kanë kaluar kufirin e gjelbër dhe kanë zbritur në vendin e quajtur “Loridha”, në Sajadhe të Igumenicës./Opinion.al

Pas