Kronikë

Vrasja e Beqirit në Londër/ Rivaliteti i dhunshëm mes 2 bandave pista kryesore


Bëhu pjesë e Grupit Zyrtar të Opinion.al
>> KËTU <<
               Publikuar në : 14:34 - 22/12/21 |
Opi Nion

Mediat britanike kanë publikuar të tjera detaje për vrasjen e Flamur Beqirit në Londër. BBC shkruan se ai ishte i përfshirë në krim të rëndë dhe të organizuar.

Babai i dy fëmijëve, Flamur Beqiri, 36 vjeç, dyshohet se u vra jashtë shtëpisë së tij në Battersea, në jug-perëndim të Londrës, në vitin 2019, në prag të Krishtlindjes.

Prokurorët pretendojnë se vrasja e Beqirit ishte pjesë e përshkallëzimit të dhunës midis dy rrjeteve rivale nga Suedia.

Bashkëshortja e tij, Debora Krasniqi, ka mohuar që bashkëshorti i saj ishte kriminel, por ka thënë se ishte i përfshirë në biznesin e muzikës, shkruan BBC. Inspektorja suedeze e policisë Kajsa Delmar-Wigstrom tha të martën në gjykatën e Southwark Crown se ai ishte pjesë e një rrjeti të krimit të organizuar, i cili ishte i përfshirë në një rivalitet të dhunshëm me një grup tjetër kriminal në vendin Suedez.

Oficeri tha se shtetasi shqiptar dyshohej për “shpërndarje ndërkombëtare droge” që nga viti 2007 dhe ishte arrestuar disa herë në Evropë.

Gjykata dëgjoi mikun e tij të ngushtë Naief Adawi, 37 vjeç, i cili jetonte aty pranë në Londër dhe u burgos për tetë vjet në Danimarkë në vitin 2010 për grabitje të rëndë me armë. Ai e përshkroi para drejtësisë vrasjen e Beqirit si “një nga krimet më të mëdha” në historinë e vendit. Edhe ndaj tij pati një atentat me armë në vitin 2019, por mundi t’i shpëtonte së bashku me vajzën e porsalindur. Shënjestrat e tyre ishin anëtarët e një rrjeti kriminal rival që ishte përfshirë në trafikun e kokainës dhe kanabisit. Po ashtu, Beqiri ka njohje me shumë persona të tjerë të dënuar për trafik droge.

Autori i dyshuar i vrasjes së Beqirit është Anis Hemissi, 24 vjeç. Ai thuhet se kishte veshur maska dhe kishte shkuar pranë banesës së viktimës disa herë para se të kryente ekzekutimin. Hemissi, i cili fluturoi në Londër më 20 dhjetor, dyshohet se ishte pjesë e një ekipi prej katër vrasësish nga Suedia. Ata dyshohet se kanë planifikuar vrasjen e z. Beqiri për rreth gjashtë muaj. Por Hemissi dhe shtetasit suedezë Estevan Pino-Munizaga, 35 vjeç, Tobias Fredrik Andersson, 32 vjeç dhe Bawer Karaer, 23 vjeç, të cilët dyshohet se janë dërguar për të ndihmuar Hemisin, kanë mohuar krimin./Opinion.al

Pas